«A što Epštejn? Možna padumać, što ty b admoviłasia». Boty ŭstali na abaronu Karyny Šulak
Nie viedajem, što b heta značyła, ale boty z łukašenkaŭskich botafiermaŭ ustali na abaronu Karyny Šulak. Navina pra toje, što amierykanski finansist Džefry Epštejn, asudžany za seksualnyja złačynstvy, zaviaščaŭ biełaruscy Karynie Šulak 50 miljonaŭ dołaraŭ i nieruchomaść, vyklikała burnuju reakcyju ŭ sacyjalnych sietkach. Akramia botaŭ, apraŭdvajuć Šulak i mnohija zvyčajnyja biełaruski.
U svaich kamientaryjach karystalniki padzialilisia na tych, chto ščyra vinšuje dziaŭčynu, i tych, dla kaho nieprymalna takaja spadčyna. Pieršych našmat bolš, pryčym značnuju častku ich składajuć akaŭnty, jakija my padazrajem u prynaležnaści da prapahandysckich botasietak i jakija łajkajuć svaich uzajemna.
Voś što pišuć prychilniki Karyny Šulak:
«Ščyra rada za dziaŭčynu. Zaraz hałoŭnaje, kab heta nie zaćmiła joj rozum. I kab jana pravilna skarystałasia spadčynaj».
«Aj, dziaŭčyna, małajčyna (biez sarkazmu i złaradnaści)».
«Dziaŭčyna małajčyna».
«Małajčyna dziaŭčyna, zasłužyła. Ščaścia tabie, darahaja».
Niekatoryja bačać u hetaj historyi sa spadčynaj navat nahodu dla nacyjanalnaha honaru:
«Choć niedzie biełarusy na pieršym miescy, ščyra… Prosta pryjemna za jaje», — ličyć niechta.
«Zyčliŭcy, paradujciesia za ziamlačku!» — dadaje jašče adzin karystalnik.
Navat napaminy pra toje, kim nasamreč byŭ finansist, nie sucišajuć chvalu zachapleńnia. Dla mnohich reputacyja Epštejna nie źjaŭlajecca pieraškodaj dla pryniaćcia jahonych hrošaj. Voś charakternyja dyjałohi z abmierkavańniaŭ:
— Ščyra radaja za Karynu, małajčyna dziaŭčyna! Biez sarkazmu» (Hety kamientar sabraŭ zvyš čatyroch z pałovaj tysiač łajkaŭ).
— I niavažna, što heta ad pačvary?
— I niavažna. Možna padumać, što ty b admoviłasia.
— Nu i dobra. Niachaj žyvie i budzie ščaślivaj. (amal 1300 łajkaŭ).
— Ja rada za hetuju dziaŭčynu ad čystaha serca.
— Vy ŭ kursie, za što jon joj hetyja hrošy daŭ?
— Nie viedaju. Jakaja roźnica? Hałoŭnaje, što dał. Vy b hladzieli, adkul vam pryjšła spadčyna, kali b jana pryjšła mienavita vam?»
«A što Epštejn? Možna padumać, što ty b admoviłasia», — piša jašče adna karystalnica.
Zrešty, znajšlisia i tyja, chto kateharyčna nie chacieŭ by apynucca na miescy Karyny i ličyć takija hrošy praklatymi:
«Lepš žyć na adzin zarobak usio žyćcio, čym atrymać hetuju spadčynu na kryvi!»
«Nie zabyvajcie, čym jon zajmaŭsia!! Takich brudnych hrošaj ja b nie chacieła! Barani Boža!»
«Ratuj, Hospadzie, ad takich hrošaj i ludziej».
Zaviaščaŭ Karynie Šulak 50 miljonaŭ, a jaje baćka lotaŭ ź im na viertalocie za miesiac da aryštu. Što jašče stała viadoma z fajłaŭ Epštejna
Seks-impieryja Epštejna mahła być prajektam KDB dla zboru kampramatu na suśvietnych lidaraŭ
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak
Vyjšaŭ na svabodu vybitny chirurh Andrej Lubiecki11
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary
I jašče ŭ dadatak: ci sapraŭdy Epštejn "pačvara"? Jon nie prymušaŭ ni da čaho ni adnu dziaŭčynu. Jon tolki prapanavaŭ im pracu ŭ eskorcie. Dla tych ź ich, kamu było poŭnyja 18, heta ŭvohule zakonna (ci pavinna być zakonna!). Ale častka była niepaŭnaletnimi (nie małaletnimi!), na hod (zredku na 2-4 hadoŭ) małodšaj. A heta ŭžo niezakonna, i za heta jon i siadzieŭ.