Pałac Tyškievičaŭ u Vałožynie stanie muziejem
U Vałožynie pałac Tyškievičaŭ płanujuć pieraŭtvaryć u krajaznaŭčy muziej. Pra heta paviedamiła pres-słužba Minskaha abłvykankama.
Pałac Tyškievičaŭ u Vałožynie. Fota: Wikimedia Commons
Paśla zaviaršeńnia rekanstrukcyi ŭ budynku raźmieścicca miascovy muziej, jaki zaraz pracuje na inšaj vulicy horada. Taksama ŭ byłoj aranžarei pałaca płanujuć adkryć adździeł ZAHS.
Prajekt rekanstrukcyi ŭžo atrymaŭ padtrymku kiraŭnictva vobłaści. Paśla adkryćcia abnoŭlenaha muzieja płanujecca stvareńnie novych ekspazicyj, u tym liku pryśviečanych rodu Tyškievičaŭ, jaki adyhraŭ značnuju rolu ŭ historyi Vałožyna.
Pałac hrafa Juzafa Tyškieviča byŭ pabudavany ŭ pačatku XIX stahodździa ŭ styli kłasicyzmu. Kompleks składajecca ź niekalkich budynkaŭ, uklučajučy hałoŭnuju siadzibu, aficynu i aranžareju, pierabudavanuju ŭ 1926 hodzie. Budynak raźmieščany na vysokim bierazie raki Vałožynki.
Ułady ličać, što prajekt pavinien sadziejničać raźvićciu turyzmu i stać častkaj novaha kulturna-histaryčnaha maršrutu rehijona. Raniej u pałacy Tyškievičaŭ raźmiaščalisia roznyja administracyjnyja ŭstanovy.
Čytajcie taksama:
«Nie majuć histaryčnaj kaštoŭnaści». U Łahojsku znosiać hrafskija stajni VIDEA
Jak vyhladaje suśvietna viadomaja jaŭrejskaja sieminaryja ŭ Vałožynie paśla restaŭracyi — šmat FOTA
U Słonimie reniesansny chram XVII stahodździa pafarbavali ŭ jarka-zialony koler