Stała viadoma, jaki prysud vynieśli žančynie z Mazyra, zatrymanaj na vychadzie z ankałahičnaha dyspansiera
Pravaabaroncy daviedalisia, jaki prysud vynieśli žycharcy Mazyra Irynie Levinaj, jakuju letaś zatrymali na vychadzie z ankałahičnaha dyspansiera. Jaje spravu razhladaŭ Homielski abłasny sud, piša «Homielskaja viasna».
Iryna Levina
Žančynu abvinavacili ŭ sadziejničańni ekstremisckaj dziejnaści pavodle častak 1 i 2 artykuła 361‑4 Kryminalnaha kodeksa. Pavodle viersii śledstva, jana pieradavała infarmacyju manitorynhavamu telehram-kanału «Biełaruski Hajun», jaki adsočvaŭ pieramiaščeńni rasijskich vojskaŭ u Biełarusi pierad i padčas vajny suprać Ukrainy.
Jak stała viadoma pravaabaroncam, Irynie Levinaj pryznačyli čatyry hady abmiežavańnia voli biez nakiravańnia ŭ papraŭčuju ŭstanovu («chatniaja chimija»), a taksama štraf sumaj 500 bazavych adzinak.
Raniej paviedamlałasia, što z-za kryminalnaha pieraśledu žančyna nie mahła paŭnavartasna prachodzić lačeńnie ankałahičnaha zachvorvańnia. Pravaabaroncy sprabujuć vyśvietlić, u jakim stanie jana znachodzicca ciapier.
Čytajcie taksama:
U Mazyry žančynu zatrymali na vychadzie z ankadyspansiera
Maci čatyroch dziaciej, jakuju schapili na vychadzie z ankadyspansiera, adpuścili da suda dadomu
Žančynie, jakoj terminova patrebna apieracyja, nie dajuć dazvołu na jaje lehčy