85% dziaciej u 2026 hodzie narodziacca ŭ Azii i Afrycy

U 2026 hodzie 85% usich dziaciej u śviecie narodziacca ŭsiaho na dvuch kantynientach: u Azii i Afrycy. Karta, stvoranaja partałam visualcapitalist, pakazvaje raźmierkavańnie naradžeńnia pa kantynientach u śviecie na asnovie prahnozaŭ kolkaści nasielnictva, padrychtavanych AAN, piša Thinktanks.pro.

Zhodna z prahnozami, u 2026 hodzie na Aziju prypadzie amal pałova ŭsich naradžeńniaŭ u śviecie. Čakajecca, što ŭ hetym hodzie tam narodzicca kala 64,9 miljona dziaciej, što składzie prykładna 49% ad usich naradžeńniaŭ u śviecie.

Na Afryku prypadzie bolš za tracina ŭsich naradžeńniaŭ u śviecie. Pavodle prahnozaŭ, u 2026 hodzie ŭ Afrycy budzie zarehistravana 47,6 miljona naradžeńniaŭ, što składzie 35,9% ad ahulnaj kolkaści naradžeńniaŭ u śviecie.

U Jeŭropie hety pakazčyk składzie ŭsiaho 5%, a ŭ Paŭnočnaj Amierycy — 3%.

Zhodna sa źviestkami Biełstata, u Biełarusi ŭ 2024 hodzie naradziłasia 58 938 dziaciej. Lidarami pa naradžalnaści stali Minsk (10 143) i Bresckaja vobłaść (10 116). A samy nizki pakazčyk byŭ zafiksavany ŭ Hrodzienskaj vobłaści (6 537).

Kamientary da artykuła