«Drahičynskaje mora»: u horadzie padtapiła miescy, dzie raniej nie prybrali śnieh

Drahičyn paśla adlihi pieratvaryŭsia ŭ «horad na vadzie»: na vulicach raźlilisia patoki. Žychary žartujuć, što zamiest aŭtobusaŭ patrebnyja łodki, piša BGmedia.

Drahičyn paśla adlihi. Fota miascovych žycharoŭ u TikTok

Z kanca lutaha pa ŭsioj Biełarusi pačałasia adliha paśla mocnych marazoŭ. Na 27‑28 lutaha ŭ Breście, naprykład, abiacajuć da 8‑10 hradusaŭ ciapła, što adčuvalna palahčaje žyćcio žycharam paśla doŭhich chaładoŭ.

Hetaje paciapleńnie zakranuła i inšyja harady vobłaści, takija jak Drahičyn, dzie miascovyja žychary napoŭnicu adčuli nastupstvy adlihi. Niekatoryja vulicy horada, dzie śnieh nie byŭ dobra ačyščany i vyviezieny, pieratvarylisia ŭ sucelnyja reki, što vyklikała ciažkaści dla piešachodaŭ i aŭtamabilistaŭ.

Jak vyhladaje školny stadyjon Drahičyna paśla tempieraturnaj adlihi. Fota miascovaha žychara ŭ TikTok

U tyktoku pačali źjaŭlacca videa i fotazdymki z roznych vulic horada, jakija zrabilisia nieprachodnymi. Asabliva vyłučylisia miescy kala siaredniaj škoły №1, haradskoha stadyjona i pablizu kram, dzie vada zastałasia na niekalki dzion i značna ŭskładniła pieramiaščeńnie.

U kamientarach pad rolikami ludzi nie chavajuć ironii i navat abureńnia, adznačajučy, što pa haradskich vulicach časam lepš było b pierasoŭvacca na łodcy.

Skrynšoty ź videa žychara Drahičyna ŭ TikTok

«Drahičynskaje mora».

«Ułady pavinny zamiest aŭtobusaŭ łodki padhaniać».

«Adrazu zrazumieła, što viasnu treba sustrakać u botach pa vušy, jak u rybaka».

«Radujciesia, novy akvapark».

«O, tak. Ja siońnia nie mahła prajści kala siaredniaj škoły №1».

Kamientary da artykuła