U vioscy Staroje Siało pad Brestam pad pahrozaj apynuŭsia budučy ŭradžaj kłubnic z-za padtapleńnia adnoj z haspadarak. Fiermiery pakazali ŭ sacyjalnych sietkach maštaby raźlivu vady i raskazali, što vymušanyja ratavać hradki, jak tolki mohuć, piša Tochka.by.
Vada ŭ niekatorych miescach navat pieraadolvała ŭzvyšeńni z raślinami, a mahčymaści jaje adpampavać nie było. Kab źmienšyć uzrovień vady, haspadary pieraraźmierkavali jaje ŭ inšyja rady i dadatkova prakapali tranšei. Pa słovach aŭtara videa, za noč vady stała mienš prykładna na 17 santymietraŭ, ale na poŭny jaje sychod patrabujecca čas.
Choć takaja situacyja niepryjemnaja dla pasadak, jana nie ličycca krytyčnaj, bo ziamla jašče mocna pramierzłaja i vada ŭ jaje amal nie ŭbirajecca. Adnak čakajecca paciapleńnie da +10 °C, tamu nieabchodna jak maha chutčej pazbavicca ad lišniaj vilhaci.
Videa z padtoplenymi hradkami sabrała vialikuju kolkaść prahladaŭ i vyklikała dyskusii. Častka karystalnikaŭ sumniavałasia ŭ jaho aktualnaści, bo ŭ mnohich rehijonach jašče lažyć śnieh. Adnak u hetym rajonie plusavaja tempieratura trymałasia ŭžo z 21 lutaha, tamu niama sumnievaŭ, što rolik byŭ zapisany niadaŭna.
Raniej padobnymi rolikami padzialiŭsia taksama karystalnik tyktoka z Małaryckaha rajona.
U šerahu rajonaŭ Bresckaj vobłaści śniehu amal niama
Miescami da +13°S. Nadvorje na apošnija dni zimy
U Biełarusi rychtujucca da viasnovaj pavodki
Biełhidramiet papiaredziŭ pra mahčymaść vialikaj viasnovaj pavodki
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny23
Kamientary