Na MTZ vyrašyli zavieści ŭłasnaha maskota

Minski traktarny zavod rychtuje prezientacyju ŭłasnaha karparatyŭnaha talismana. Jaho ŭpieršyniu pakažuć 29 maja — da 80‑hodździa pradpryjemstva.

Zdymak ilustracyjny. Fota: «Naša Niva» 

Jak paviedamiła načalnica adździeła dyzajnu MTZ Maryna Aniśkova, ideja stvaryć unikalnaha hieroja źjaviłasia paśla analizu zamiežnaha vopytu: u mnohich bujnych kampanij i maštabnych mierapryjemstvaŭ jość svaje maskoty. Tamu na zavodzie nadumali raspracavać ułasny simvał, jaki b adlustroŭvaŭ duch pradpryjemstva.

Sa słoŭ Maryny Aniśkovaj, kamanda dyzajnieraŭ doŭha pracavała nad kancepcyjaj, imknučysia zrabić niešta aryhinalnaje i niebanalnaje. Nazvu piersanaža pakul nie raskryvajuć, ale padkreślivajuć, što jana abranaja nievypadkova.

U Biełarusi pramysłovyja pradpryjemstvy amal nie majuć ułasnych karparatyŭnych talismanaŭ, i heta stała dadatkovym stymułam dla MTZ stvaryć svoj. U budučyni kancepcyju maskota płanujuć udaskanalvać z ulikam vodhukaŭ aŭdytoryi.

Letam minułaha hoda svajho maskota pradstaviŭ inšy biełaruski pramysłovy hihant — Minski aŭtamabilny zavod.

Kamientary da artykuła