MTZ pačaŭ vyprabavańni novaha mahutnaha traktara — Belarus 5425. Heta traktar ahulnaha pryznačeńnia z kołavoj formułaj 4×4, z mahutnaściu ruchavika 542 konskija siły, jaki adpaviadaje ekałahičnamu standartu Stage IIIA, piša Blizko.by.
U traktary pastaŭlenaja hidramiechaničnaja karobka pieradač z elektrahidraŭličnym kiravańniem, što dazvalaje pieraklučać pieradačy biez razryvu patoku mahutnaści. Mufta sčapleńnia — šmatdyskavaja frykcyjnaja, jakaja pracuje ŭ alivie.
Belarus 5425 abstalavany piarednim naviasnym prystasavańniem hruzapadjomnaściu 5,5 tysiač kh i zadnim — 12 tysiač kh, a taksama zadnim vałam adboru mahutnaści, hidrasistemaj ź dźviuma aksijalna-poršnievymi pompami sumarnaj pradukcyjnaściu 305 ł/chv. Heta dazvalaje pracavać ź vialikaj kolkaściu sučasnaj vysokapradukcyjnaj sielskahaspadarčaj techniki. Mahčymyja zdvojenyja koły i bałastnyja hruzy.
Bak na 900 litraŭ zabiaśpiečvaje bieśpierapynnuju pracu da 10 hadzin. Usie sistemy kirujucca z pravaha padłakotnika siadzieńnia praz knopki i džojściki bieź miechaničnych suviaziaŭ, što źnižaje stomlenaść apieratara i pavyšaje pradukcyjnaść.
Pakul tolki niekalki čałaviek umiejuć kiravać hetym traktaram, bo dla pracy z takoj mahutnaściu treba zasvoić šmat niuansaŭ i prajści ŭsie etapy vyprabavańniaŭ. U budučyni Belarus 5425 płanujuć zapuścić u sieryjnuju vytvorčaść.
U minskim mietro prachodziać vyprabavańni novyja ciahniki FOTY
Na adnym z učastkaŭ MKAD zabaroniać ruch cichachodaŭ
Dva novyja rektary, hiendyrektar MTZ i namieśniki ministraŭ — novyja pryznačeńni
Niekatorym kiroŭcam, pazbaŭlenym paśviedčańnia, dazvolać kiravać transpartam — jak tak?
MTZ u 2026 hodzie vypuścić čatyry novyja madeli siakier, adnu z padoŭžanaj ručkaj
Ciapier čytajuć
Dla kaho sabralisia budavać vielizarny vantavy most u Minsku?3
Kamientary