U minskim handlovym centry za vahami ŭ miasnym adździele siadzieła myš FOTA

Incydent adbyŭsia ŭ kramie Green u TC «Skała» na vulicy P. Hlebki, 5. Fatahrafiju hryzuna, jaki siadzieŭ za kasaj, apublikavali ŭviečary 25 lutaha. Za karotki čas zdymak nabraŭ dziasiatki tysiač prahladaŭ i šyroka razyšoŭsia ŭ ŚMI i sacyjalnych sietkach, piša ahienctva «Minsk-Naviny».

Bolšaść karystalnikaŭ adreahavała na situacyju z humaram, žartujučy pra «0,25 staŭki» i «deficyt kadraŭ». Adnak byli i kamientary z krytykaj, u jakich adznačałasia, što ŭ HC nibyta nie ŭpieršyniu zaŭvažajuć kuzurak i hryzunoŭ.

Situacyjaj zacikavilisia kantrolnyja orhany. U centry hihijeny i epidemijałohii Frunzienskaha rajona paviedamili, što kampanija «HRYNroźnica» maje damovu na praviadzieńnie dezynsiekcyjnych i deratyzacyjnych rabot, a apracoŭki pravodziacca rehularna. Apošnija mierapryjemstvy byli 3 lutaha. Tym nie mienš, krama za parušeńnie sanitarna-epidemijałahičnych patrabavańniaŭ pakaranaja.

Kamientary da artykuła