U minskim hipiermarkiecie pa handlovaj zale biehała myš. Tudy pryjšła sanstancyja
Videa z hryzunom źjaviłasia ŭ internecie i stała pryčynaj pazapłanavaj pravierki sansłužbaj, paviedamlaje ahienctva «Minsk-Naviny».
Pa słovach aŭtara videa, myš była zaŭvažana ŭ hipiermarkiecie Green na praśpiekcie Partyzanskim, 182. Kamientatary da videa ŭ asnoŭnym žartavali, a nie krytykavali kiraŭnictva kramy, adznačajučy, što myšy i pacuki časta sustrakajucca ŭ bujnych kramach i ŭstanovach charčavańnia.
Tym nie mienš, sansłužba pravieryła hipiermarkiet.
Pavodle Centra hihijeny i epidemijałohii Zavodskaha rajona, subjekt haspadarańnia zaklučyŭ damovu na deratyzacyju i dezynsiekcyju z admysłovaj arhanizacyjaj, raboty pravodziacca rehularna, a na 28 žniŭnia hryzunoŭ i śladoŭ ich dziejnaści ŭ kramie nie znojdziena.
Adnak byli vyjaŭlenyja parušeńni ŭ zbory i časovym zachoŭvańni charčovych adkidaŭ, u suviazi z čym u dačynieńni da adkaznaha supracoŭnika kramy raspačali administracyjny praces.
Kamientary