Zialenski pra pieramovy: Nastupnaja sustreča adbudziecca ŭ Abu-Dabi na pačatku sakavika
Uładzimir Zialenski paviedamiŭ, što nastupnaja sustreča ŭ farmacie Ukraina — ZŠA — Rasija najbolš imavierna adbudziecca ŭ AAE na pačatku sakavika. Pra heta prezident Ukrainy paviedamiŭ u svaim viečarovym zvarocie, piša «Ukrainskaja praŭda».
«Užo bolš hatoŭnaści da nastupnaha trochbakovaha farmatu. Chutčej za ŭsio — nastupnaja sustreča budzie ŭ Emiratach, mienavita ŭ Abu-Dabi. My raźličvajem, što farmat adbudziecca na pačatku sakavika. Treba finalizavać usio, čaho ŭdałosia dasiahnuć dla realnych harantyj biaśpieki, i padrychtavać sustreču na ŭzroŭni lidaraŭ. Mienavita taki farmat moža mnohaje vyrašyć», — skazaŭ jon.
Zialenski paviedamiŭ, što 26 lutaha razmaŭlaŭ z ukrainskimi pieramoŭščykami: sakratarom RNBA Rustam Umieravym, kiraŭnikom frakcyi «Słuha naroda» Davidam Arachamijaj, a taksama z pradstaŭnikami prezidenta ZŠA Styvam Uitkafam i Džaredam Kušnieram.