Kodavaje słova «filižanka» nie źbiantežyła hamielčuka — jon dapamoh afierystam
U milicyju źviarnułasia 77‑hadovaja minčanka, jakaja stała achviaraj padmanu pa schiemie «psieŭdavodakanał».
Piensijaniercy na mabilny telefon paviedamili pra zamienu ličylnikaŭ. Žančyna pradyktavała kod z SMS-paviedamleńnia, piša telehram-kanał «Milicyja Minska».
Dalej ź joj źviazalisia nibyta pravaachoŭniki i paviedamili, što piersanalnymi źviestkami piensijanierki zavałodali afierysty, jakija pravodziać ad jaje imia niezakonnyja finansavyja apieracyi. Kab paźbiehnuć pieratrusu i kryminalnaha pieraśledu, žančynie prapanavali zadekłaravać uvieś aščadak.
Piensijanierka pavieryła i pieradała kurjeru pa kodavym słovie «filižanka» 14 tysiač rubloŭ.
Apieratyŭniki zatrymali 30‑hadovaha žychara Homielskaj vobłaści, jaki raniej sam staŭ achviaraj afierystaŭ pa takoj ža schiemie.
Mužčynu pierakanali pryjechać u stalicu, kab «dapamahčy pravaachoŭnikam»: zabrać hrošy ŭ piensijanierki i pieravieści ich na svaju bankaŭskuju apłatnuju kartku, a paśla — na śpiecyjalny rachunak. Da zatrymańnia fihurant paśpieŭ adpravić častku hrošaj — astatniaje kanfiskavali apieratyŭniki.