Dźvie piensijanierki značna aščadzili na pucioŭcy ŭ sanatoryj, ale paśla pra heta paškadavali

U Lidskim rajonie dźvie piensijanierki vyrašyli aščadzić na pucioŭkach u sanatoryj, adnak paśla viartańnia dadomu vyśvietliłasia, što ich historyja zacikaviła supracoŭnikaŭ pa baraćbie z ekanamičnymi złačynstvami.

Zdymak ilustracyjny. Fota: freepik.com

Žančyny adpačyli ŭ sanatoryi 13 dzion, i pucioŭki ŭ jaho jany sapraŭdy nabyvali, ale nie pa poŭnaj canie. Piensijanierki damovilisia z kiraŭnictvam ustanovy, kab dakumienty afarmlalisia nie na ich imiony, a na ludziej, jakija mieli prava na 70‑pracentnuju źnižku.

Jak śćviardžajuć u milicyi, schiema była vyhadnaja dla ŭsich udzielnikaŭ: supracoŭniki atrymlivali lepšyja pakazčyki pa zasialalnaści i dadatkovyja «padziaki» ad klijentaŭ, a adpačyvalniki karystalisia pasłuhami pa značna nižejšym košcie.

U vyniku rabotnikaŭ sanatoryja pryciahnuli da kryminalnaj adkaznaści za machinacyi, a ŭ dačynieńni da piensijanierak zaviali kryminalnyja spravy za vykarystańnie padroblenych dakumientaŭ.

Kamientary da artykuła