Novaja biada: biełaruskija ahurki ŭ kramach vydajuć za rasijskija, kab pradavać daražej
U Minsku prafsajuzy praviali pravierku kram i źviarnuli ŭvahu na košt ahurkoŭ, jakija pradavalisia pa 9,99 rubla. Padčas rejdu vyśvietliłasia, što ŭ adnym z handlovych punktaŭ ahurki paznačalisia jak rasijskija, što dazvoliła stavić dla ich bolš vysokuju canu. Adnak na ŭpakoŭcy było paznačana, što vytvorca — biełaruskaje pradpryjemstva ź Viciebskaj vobłaści.
Prafsajuzy adznačyli, što śviežyja ahurki ŭ Biełarusi ŭvachodziać u śpis tavaraŭ ź dziaržaŭnym rehulavańniem cen. Pavodle dziejnych pravił, cana na ich moža pavyšacca nie bolš čym na 0,3% u miesiac. Tamu, maŭlaŭ, «narmalnaja» cana pavinna być kala 7 rubloŭ. Pry hetym rehulavańnie tyčycca mienavita śviežaj pradukcyi biełaruskaha pachodžańnia.
Paśla zaŭvahi praviarajučych u toj ža kramie praź dźvie hadziny ahurki ŭžo pradavalisia pa 7,88 rubla. Infarmacyju pra parušeńnie zafiksavali na videa i płanujuć pieradać u adpaviednyja orhany dla dalejšaj pravierki.
Pavodle statystyki, u minułym hodzie Biełaruś stała adnym z asnoŭnych pastaŭščykoŭ śviežych ahurkoŭ u Rasiju. U toj ža čas u biełaruskim uradzie adznačajuć, što z-za aktyŭnaha ekspartu ŭ asobnych rehijonach krainy časam uźnikaje deficyt śviežaj harodniny.
Čytajcie taksama:
Śledam za ciapličnymi ahurkami pavialičać vytvorčaść i pamidoraŭ
U Biełarusi źniali pieršy ŭradžaj ahurkoŭ
Biełaruś stała hałoŭnym pakupnikom rasijskich zakatak z ahurkami