U Rahačoŭskim rajonie kvateru pradali za 47 rubloŭ

Kvatera ŭ błakavanym žyłym domie ŭ ahraharadku Aziarany Rahačoŭskaha rajona akazałasia nastolki nikomu nie patrebnaja, što była pradadziena na aŭkcyjonie faktyčna za bazavuju vieličyniu, paviedamlaje pra «ŭdałyja tarhi» Dziaržaŭny kamitet pa majomaści.

Hałoŭnaja płošča Aziaran z budynkam sielsavieta. Zdymak ilustracyjny. Fota: rogachev.gov.by

Abjekt znachodziŭsia ŭ śpisie łotaŭ z 2025 hoda i prajšoŭ usie etapy panižeńnia cany. U vyniku jaho vystavili na tarhi pa canie, roŭnaj bazavaj vieličyni.

26 lutaha 2026 hoda adbyŭsia aŭkcyjon, padčas jakoha pakupnik zrabiŭ krok u 5%. Z ulikam hetaha vynikovy košt skłaŭ 47 rubloŭ — bazavaja vieličynia plus krok tarhoŭ.

Padrabiaznaściaŭ, što heta za kvatera i čamu jana była nastolki niezapatrabavanaja, Dziaržkammajomaści nie paviedamlaje. 

Kamientary da artykuła