U Babrujsku vystavili na aŭkcyjon ceły čatyrochpaviarchovy dom pa canie 10 kvater
Čatyry hady tamu ŭ dom pavinny byli zasialicca dziasiatki siemjaŭ, ale ŭrešcie prajekt nie byŭ zakončany, i ciapier budynak sprabujuć pradać z małatka, piša Telegraf.news.
Na prodaž vystaŭleny zakansiervavany niedabudavany čatyrochpaviarchovik na babrujskaj vulicy Harelika, №380. Raniej na hetym miescy stajali zaniadbanyja vajskovyja kazarmy, jakija potym nabyŭ pryvatny zabudoŭščyk TAA «Čyvonch Inviestmient».
U 2018 hodzie kampanija pačała rekanstrukcyju, pieratvarajučy kazarmy ŭ žyłyja čatyrochpaviarchovyja damy z kvaterami na 1—3 pakoi z sučasnaj svabodnaj płaniroŭkaj. Dla paskareńnia budaŭnictva kvatery pradavali jašče na etapie rekanstrukcyi z mahčymaściu rasterminoŭki (ad 320 dalaraŭ za kvadratny mietr).
Prajekt tak i nie byŭ zavieršany i ludzi zastalisia biez abiacanych kvater, z sudovaj ciahaninaj. Ciapier ža budynak vystaŭleny na prodaž z pačatkovaj canoj 1,12 miljona rubloŭ, što faktyčna adpaviadaje koštu 10 kvater u Babrujsku. Siaredniaja cana kvatery ŭ horadzie siońnia składaje kala 100—120 tysiač rubloŭ. Ahulnaja płošča doma — 4 400,3 kvadratnaha mietra.
Adnak stan budynka daloki ad idealnaha. Źniešnie dom vyhladaje prystojna dziakujučy fasadnym rabotam zabudoŭščyka, ale ŭnutry adsutničajuć plity pierakryćcia pamiž pavierchami, na ścienach vidać raskoliny, plamy i ćvil, nie prybranaje budaŭničaje śmiećcie.
Arhanizatary aŭkcyjonu papiaredzili, što ŭdzielniki elektronnych tarhoŭ pavinny abaviazkova ahledzieć abjekt pierad tym, jak rabić staŭku, bo stan budynka nie vielmi dobry.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary