Pad Minskam zapuściać vytvorčaść invalidnych vazkoŭ
U rajonie Fanipala ŭ sakaviku płanujecca adkryć vytvorčaść invalidnych vazkoŭ. Prajekt realizuje novy rezident SEZ «Minsk» — TAA «Nieakraft», paviedamili ŭ administracyi svabodnaj ekanamičnaj zony.
Fota: Pixabay
Inviestycyi ŭ asnoŭny kapitał pieravysiać €500 tys. Paśla vychadu na prajektnuju mahutnaść hadavy abjom vypusku składzie kala €1,5 młn.
Kampanija źbirajecca vykarystoŭvać u vytvorčaści lohkija i tryvałyja materyjały — aluminijevyja spłavy i karbon, a taksama sučasnyja sistemy kiravańnia i raspracoŭki ŭ halinie erhanomiki. Z dapamohaj inavacyj pradpryjemstva nacelena vypuskać bolš zručnyja, manieŭranyja i lohkija srodki reabilitacyi.
U administracyi SEZ padkreślili, što dla realizacyi prajekta ŭpieršyniu pieradali hatovyja arendnyja płoščy na ŭčastku Zachad u rajonie Fanipala. Taki miechanizm z ulikam vysokaha popytu na takija pramysłovyja placoŭki adkryvaje dadatkovyja mahčymaści i dazvalaje pradpryjemstvu apieratyŭna zapuścić vytvorčaść.