Łukašenka na Łahojščynie pakałupaŭsia viłkami ŭ cialačym hnoi
Padčas pajezdki ŭ Niastanavičy Łahojskaha rajona Łukašenka padčas naviedvańnia miascovaha sielhaspradpryjemstva pakazaŭ majstar-kłas u vałodańni sielskahaspadarčym invientarom.
Pakul jamu pakazvali cialačy prafiłaktoryj, Łukašenka byŭ nastrojeny dobrazyčliva, adnak na dvary, dzie žyvioła raźmiaščajecca na adkrytych placoŭkach, jon vyrašyŭ kapnuć uhłybiniu.
Uziaŭšy viłki i padniaŭšy płast sałomy, Łukašenka pad joj znajšoŭ nieprybrany śnieh i lod, što stała nahodaj dla pračytańnia natacyi padnačalenym.
Skrynšot ź videa
Maŭlaŭ, za takoje staŭleńnie da cialat «drać jak sidaravu kazu» treba nie tolki supracoŭnikaŭ ahrakompleksu, ale i adkaznych za jaho čynoŭnikaŭ. I ŭžo daloka nie ŭpieršyniu navat za apošni čas Łukašenka papiaredziŭ kiraŭnikoŭ sielhaspradpryjemstva, što jany «za cialat hałavoj adkažuć», kvalifikavaŭšy śnieh pad sałomaj jak złačynstva.
Čytajcie taksama:
Łukašenka naviedvaje małočna-tavarnaje pradpryjemstva ŭ Łahojskim rajonie