Лукашэнка на Лагойшчыне пакалупаўся вілкамі ў цялячым гноі
Падчас паездкі ў Нястанавічы Лагойскага раёна Лукашэнка падчас наведвання мясцовага сельгаспрадпрыемства паказаў майстар-клас у валоданні сельскагаспадарчым інвентаром.
Пакуль яму паказвалі цялячы прафілакторый, Лукашэнка быў настроены добразычліва, аднак на двары, дзе жывёла размяшчаецца на адкрытых пляцоўках, ён вырашыў капнуць углыбіню.
Узяўшы вілкі і падняўшы пласт саломы, Лукашэнка пад ёй знайшоў непрыбраны снег і лёд, што стала нагодай для прачытання натацыі падначаленым.
Скрыншот з відэа
Маўляў, за такое стаўленне да цялят «драць як сідараву казу» трэба не толькі супрацоўнікаў агракомплексу, але і адказных за яго чыноўнікаў. І ўжо далёка не ўпершыню нават за апошні час Лукашэнка папярэдзіў кіраўнікоў сельгаспрадпрыемства, што яны «за цялят галавой адкажуць», кваліфікаваўшы снег пад саломай як злачынства.
Чытайце таксама:
Лукашэнка наведвае малочна-таварнае прадпрыемства ў Лагойскім раёне
Лукашэнка прапанаваў правесці ў Лагойск чыгунку
«Па калена ў гноі і заробак 200 рублёў». Жывёлавод з-пад Салігорска паказаў сваю ферму ва ўсёй красе