U centry Minska zahinuŭ mužčyna, jaki kataŭsia pa Śvisłačy na sapbordzie
Spadarožnica zmahła ŭratavacca i navat vyciahnuła mužčynu na bierah, ale vyratavać jaho nie zmahli, paviedamlaje pres-słužba MNS.
Skrynšot ź videa
Dniom 28 lutaha ratavalnikam paviedamili pra ludziej u race Śvisłač u rajonie praśpiekta Niezaležnaści. Pavodle papiaredniaj infarmacyi, mužčyna i žančyna katalisia pa race na sapbordach. Na ich nie było vyratavalnych kamizelek, tolki hidrakaściumy suchoha typu.
Paśla straty raŭnavahi aboje ŭpali ŭ vadu. Žančyna akazałasia macniejšaj — jana nie tolki dabrałasia da bieraha sama, ale i zmahła vyciahnuć na jaho naparnika.
Praŭda, uratavać mužčynu ŭsio adno nie ŭdałosia. Miedyki praviali reanimacyjnyja mierapryjemstvy, adnak urešcie kanstatavali śmierć čałavieka.
Pryčyny hibieli i abstaviny zdareńnia vyśviatlajucca.