Viarchoŭny lidar Irana ajatała Ali Chamieniei zabity, jaho cieła znojdziena — krynicy ŭ Izraili
Viarchoŭny lidar Irana ajatała Ali Chamieniei zabity, jaho cieła znajšli ŭ jaho razburanaj rezidencyi. Pra heta paviedamlaje Reuters sa spasyłkaj na vysokapastaŭlenaha čynoŭnika ŭ Izraili.
Ali Chamieniei
Taksama pra śmierć 86‑hadovaha ajatały Chamieniei paviedamlajuć izrailskija ŚMI.
Śćviardžajecca, što dakumientacyja pa vyciahvańni cieła Chamieniei z ruin akazałasia dastupnaja premjer-ministru Izraila Bińjaminu Nietańjachu i vysokapastaŭlenym supracoŭnikam słužby biaśpieki Izraila.
Raniej Bińjamin Nietańjachu zajaviŭ, što «jość šmat prykmiet taho, što Chamieniei bolš niama ŭ žyvych».
Vydańnie Axios piša, što ambasadar Izraila ŭ ZŠA prainfarmavaŭ vysokapastaŭlenych amierykancaŭ pra hibiel Chamieniei.
Iran aficyjna hetyja paviedamleńni nie paćviardžaje, ale źjaviłasia paviedamleńnie kitajskaha mižnarodnaha vydańnia CGTN, što zvarot Chamieniei da naroda byŭ admienieny ŭ apošni momant. Mahčyma, što źviartacca nasamreč niama kamu.
Čytajcie taksama:
Padčas udaraŭ pa Tehieranie zahinuli ziać i niaviestka Ali Chamieniei
Rezidencyja ajatały Chamieniei lažyć u ruinach, što ź im samim — nieviadoma
ZŠA i Izrail nanosiać masiravanyja rakietnyja ŭdary pa Iranie