U Breście pad mašynu trapiŭ 7‑hadovy chłopčyk
U Breście 28 lutaha kala 20:10 adbyłosia darožna-transpartnaja zdareńnie z udziełam dziciaci, paviedamlaje UUS Bresckaha abłvykankama.
Pavodle papiaredniaj infarmacyi, 50‑hadovy kiroŭca aŭtamabila Ford ruchaŭsia pa vulicy Mytnaj u napramku vulicy Kovielskaj. Kala doma №18 jon ździejśniŭ najezd na 7‑hadovaha chłopčyka.
Paviedamlajecca, što dzicia pierachodziła prajeznuju častku pa-za piešachodnym pierachodam, źleva naprava adnosna ruchu aŭtamabila.
U vyniku avaryi chłopčyk byŭ špitalizavany.