ZŠA raspačali źniščeńnie iranskaha fłotu
Prezident ZŠA Donald Tramp paviedamiŭ u svajoj sacsietcy Truth Social pra paśpiachovaje źniščeńnie značnaj častki iranskaha vajenna-marskoha fłotu ŭ vyniku apošnich amierykanskich udaraŭ.
Donald Tramp. Fota: AP Photo / Alex Brandon
Pavodle słoŭ amierykanskaha lidara, Uzbrojenyja siły ZŠA ŭžo patapili 9 vajennych karabloŭ i nanieśli razburalny ŭdar pa hałoŭnym kamandavańni VMS Irana.
Poŭny tekst zajavy Trampa:
«Mnie tolki što paviedamili, što my źniščyli i patapili 9 iranskich vajenna-marskich karabloŭ, niekatoryja ź ich adnosna vialikija i važnyja. My idziom za astatnimi — chutka jany taksama buduć płavać na dnie mora! Padčas inšaj ataki my ŭ značnaj stupieni źniščyli ich vajenna-marskuju štab-kvateru. U astatnim spravy ŭ ich fłotu iduć vielmi dobra! PREZIDENT DONALD DŽ. TRAMP».