Na pažary ŭ Maładziečnie zahinuli troje. Adzin ź ich skoknuŭ z akna i raźbiŭsia
2 sakavika ŭviečary ŭ MNS pastupiła paviedamleńnie pra pažar u kvatery dzieviacipaviarchovaha doma na vulicy Budaŭnikoŭ u Maładziečnie.
Skrynšot ź videa
Kali ratavalniki prybyli na miesca, kvatera na siomym paviersie hareła adkrytym połymiem. Padčas raźviedki i tušeńnia ahniu ŭnutry byli znojdzienyja cieły dvuch zahinułych.
Pavodle papiaredniaj infarmacyi, da prybyćcia padraździaleńniaŭ MNS mužčyna, jaki znachodziŭsia ŭ kvatery, vyskačyŭ z akna. Niahledziačy na praviedzienyja miedykami reanimacyjnyja mierapryjemstvy, urešcie kanstatavali jaho śmierć.
Pažar byŭ likvidavany, abstaviny i pryčyny zdareńnia vyśviatlajucca.