Ofis Zialenskaha ŭdakładniŭ jaho zajavu pra vybary tolki paśla zakančeńnia vajny
U intervju italjanskamu vydańniu Corriere della Sera prezident Ukrainy adkazaŭ na pytańnie ab prezidenckich vybarach.
Fota: AP Photo / Markus Schreiber
ŚMI pracytavali jaho adkaz tak: vybary adbuducca nie padčas časovaha pieramirja, a paśla zakančeńnia vajny.
Ofis Zialenskaha vystupiŭ z tłumačeńniem. Tam źviarnuli ŭvahu, što słovy ŭkrainskaha prezidenta prahučali ŭ adkaz na pytańnie žurnalista, ci budzie jon bałatavacca na nastupnych vybarach, piša «RBK-Ukraina».
«Sapraŭdnaje pytańnie takoje: kali my zmožam pravieści vybary? Kali jany adbuducca paśla zaviaršeńnia vajny, a nie padčas časovaha spynieńnia ahniu, ja zusim nie ŭpeŭnieny, što budu bałatavacca — pahladžu, čaho zachočuć ukraincy», — cytuje Zialenskaha jaho Ofis.
Havorka išła nie pra źmianieńnie pazicyi adnosna vybaraŭ, jak heta traktavali ŭ ŚMI, zajavili ŭ ofisie ŭkrainskaha prezidenta.
Raniej Zialenski zajaŭlaŭ, što hatovy pahadzicca na vybary pry vykanańni niekalkich umoŭ. Hałoŭnaja — spynieńnie ahniu nie mienš jak na 60 dzion i harantyi biaśpieki. Akramia taho, nieabchodna ŭnieści źmieny ŭ zakanadaŭstva, pakolki praviadzieńnie vybaraŭ va ŭmovach vajennaha času va Ukrainie niemahčymaje.