Tramp zajaviŭ, što vajskoŭcy ZŠA mohuć pačać supravadžać tankiery ŭ Armuzskim pralivie
Donald Tramp napisaŭ u sacsietcy Truth Social, što daŭ rasparadžeńnie Karparacyi finansavańnia raźvićcia ZŠA pačać rabić «za vielmi razumnuju canu» strachavańnie palityčnych ryzyk i harantyi finansavaj biaśpieki ŭsiamu marskomu handlu, jaki prachodzić praź Piersidski zaliŭ.
Armuzski praliŭ. Zdymak sa spadarožnika: Wikimedia Commons
«Hetaja pasłuha budzie dastupnaja ŭsim sudnachodnym kampanijam. Pry nieabchodnaści Vajskova-marskija siły ZŠA pačnuć supravadžać tankiery praz Armuzski praliŭ», — zajaviŭ Tramp.
Armuzski praliŭ — adziny vychad dla ekspartu nafty z krain Piersidskaj zatoki. Praź jaje pieravozicca da traciny zvadkavanaha pryrodnaha hazu i amal čverć spažyvanaj u śviecie nafty.
Čytajcie taksama:
Z-za vajny ŭ Iranie ceny na haz u Jeŭropie ŭźlacieli amal na 50%
Kitaj zapatrabavaŭ ad Irana nie pieraškadžać pastaŭkam katarskaha zvadkavanaha pryrodnaha hazu