Maryja Kaleśnikava viartajecca na muzyčnuju scenu
Pieršy vystup — 9 krasavika.
Fota: Lookby.Media
Maryja Kaleśnikava płanuje viarnucca na scenu ŭpieršyniu paśla vyzvaleńnia z turmy, paviedamiła niamieckaje ahienctva DPA.
Jana płanuje vystupić 9 krasavika ŭ bierlinskim kulturnym centry Radialsystem.
Maryja skazała, što budzie hrać na flejcie i «šmat havaryć pra svabodu» ŭ svaim vystupie ź pieśniaj «#freemaria». Ludzi raniej ahitavali za jaje vyzvaleńnie, vykarystoŭvajučy chešteh #freemaria.
Maryja Kaleśnikava vyjšła na volu 13 śniežnia 2025 hoda paśla piaci hadoŭ i troch miesiacaŭ u turmie. Jana była asudžanaja na 11 hadoŭ.