Staŭ viadomy vynik nalotu dronaŭ na port u Novarasijsku: paškodžany piać vajskovych karabloŭ
U noč na 2 sakavika pa partovaj infrastruktury Novarasijska byŭ naniesieny adzin maštabny ŭdar: u vyniku ataki sotniaŭ bieśpiłotnikaŭ paškodžańni atrymali adrazu piać karabloŭ, try čałavieki zahinuli, piša infarmavany kanał «Dośje špiona».
Tralščyk «Valancin Pikul». Fota: Vikipiedyja
Zhodna z acenkami padraździaleńniaŭ SPA, było vykarystana nie mienš za 200 udarnych BPŁA, piša kanał.
U vyniku ŭdaru paškodžańni atrymali piać vajskovych karabloŭ, jakija znachodzilisia ŭ porcie.
Adzin ź ich atrymaŭ istotnyja paškodžańni — vierahodna, havorka idzie pra marski tralščyk «Valancin Pikul» (v/č 90921, Novarasijsk). Taksama jość infarmacyja pra naniesienyja paškodžańni karablam «Jejsk» i «Kasimaŭ».
Viadoma pra troch zahinułych i 16 paranienych vajskoŭcaŭ.
Unočy 2 sakavika rasijski partovy horad Novarasijsk, jaki važny bazavańniem Čarnamorskaha fłotu Rasii i infrastrukturaj dla pierakidvańnia nafty, znachodziŭsia pad masiravanym udaram dronaŭ.
Ułady horada paviedamlali pra toje, što paškodžany 8 šmatkvaternych i 9 pryvatnych damoŭ, a taksama dziciačy sadok. Ranieńni atrymali piać čałaviek.
Pra ataku na port jany nie paviedamlali.