Źjaviłasia VIDEA źniščeńnia rasijskaha drona na Homielščynie

Adzin z padpisčykaŭ telehram-kanała «Ot vinta» prysłaŭ videa, na jakim, pavodle jaho słoŭ, zafiksavana źniščeńnie rasijskaha bieśpiłotnika, što zalacieŭ na terytoryju Biełarusi.

Skrynšot ź videa

Jak śćviardžaje aŭtar zapisu, jon byŭ zrobleny 26 lutaha ŭ Homielskaj vobłaści.

Na kadrach bačna, jak dron, jaki vizualna i hukam nahadvaje BPŁA-prynadu typu «Hierbiera», źbivajuć ahniom sa strałkovaj zbroi. Miarkujecca, što heta zrabiła mabilnaja ahniavaja hrupa.

«Charakterna, što łajalny ŭładam TH-kanał pra avijacyju nie pabajaŭsia raźmiaścić videa pracy vajskoŭcaŭ «ad padpisčyka». Vierahodna, raźmiaščeńnie było ŭzhodniena, pakolki ŭ advarotnym vypadku publikacyja mahła b padpadać pad šerah novych kryminalnych artykułaŭ», — kamientuje hetu publikacyju vydańnie «Fłahštok».

Vydańnie ŭdakładniaje, što 26 lutaha nad Homielem pralacieła jak minimum 5 rasijskich BPŁA typu «Šachied»/«Hierbiera», adzin ź ich byŭ źbity i ŭpaŭ kala vioski Randoŭka.

Kamientary da artykuła