Kamandzir «Achmata»: Paśla Irana harantavana budziem my

Kamandzir čačenskaha śpiecnaza «Achmat» Apci Ałaŭdzinaŭ zajaviŭ, što hatovy padtrymać Iran u jahonym kanflikcie ź Izrailem i ZŠA. Ź jahonych słoŭ, Rasija pavinna pieradać Iranu ŭsio ŭzbrajeńnie, jakoje moža, i padtrymać va ŭsich mahčymych formach.

Apci Ałaŭdzinaŭ. Skrynšot ź videa

Ałaŭdzinaŭ adznačyŭ, što ŭ vypadku adpaviednaha rašeńnia kiraŭnictva krainy jon hatovy asabista pajechać i ŭdzielničać u bajavych dziejańniach na baku Irana, kab, jak jon vykazaŭsia, dapamahčy adbić naziemny nastup praciŭnika.

Akramia taho, Ałaŭdzinaŭ vykazaŭ mierkavańnie, što prezident ZŠA Donald Tramp na 99% heta «antychryst», abo pa-musulmansku Dedželem, i paškadavaŭ, što ciapier «na śviataść pretendujuć hieroi z fajłaŭ Epštejna».

Jon taksama zajaviŭ, što paśla padziej vakoł Irana nastupnyja padziei nibyta buduć źviazanyja z Rasijaj.

Ałaŭdzinaŭ śćviardžaje, što «harantavanym polem Irana budziem my».

Kamientary da artykuła