Staŭ viadomy prysud žycharu Śvietłahorska, zatrymanamu paśla viartańnia ŭ Biełaruś
Pravaabaroncy z «Homielskaj viasny» daviedalisia, što žycharu Śvietłahorska Hlebu Panasiuku vyniesieny prysud — piać hadoŭ pazbaŭleńnia voli ŭ kałonii.
Hleb Panasiuk
34‑hadovy Panasiuk apošnija niekalki hadoŭ žyŭ u Polščy. 8 kastryčnika minułaha hoda jon viartaŭsia ŭ Biełaruś, kab naviedać baćkoŭ. Na nastupny dzień jon apošni raz vyjšaŭ na suviaź — patelefanavaŭ siabram z vakzała ŭ Breście i paviedamiŭ, što źbirajecca jechać ciahnikom dadomu. Paśla hetaha suviaź ź im pierapyniłasia, a siabry pačali pošuki.
U śniežni stała viadoma, što mužčyna znachodzicca ŭ SIZA № 3 u Homieli. Da hetaha jaho trymali ŭ izalatary časovaha ŭtrymańnia paśla administracyjnaha aryštu.
Viadoma, što pieraśled Hleba Panasiuka maje palityčny charaktar, ale sutnaść vystaŭlenych jamu abvinavačańniaŭ, za jakija vyniesieny taki surovy prysud, dahetul zastajecca nieviadomaj.
Čytajcie taksama:
Palitźniavolenaj fatohrafcy Natalli Bačurynskaj źmiakčyli prysud. Jaje vypuścili na volu