U Pientahonie abiacajuć za tydzień uziać pad kantrol iranskaje nieba

Ministr abarony ZŠA Pit Chiehset zajaviŭ, što amierykanskija ŭzbrojenyja siły pierachodziać da novaha etapu apieracyi suprać Irana z metaj na praciahu tydnia ŭziać pad kantrol jaho pavietranuju prastoru. Pavodle jaho słoŭ, kampanija tolki pačynajecca i moža praciahvacca da vaśmi tydniaŭ, pryčym ZŠA sami vyznačajuć temp dziejańniaŭ.

Pit Chiehset. Fota: Anna Moneymaker / Getty Images

Kiraŭnictva amierykanskaha Abjadnanaha kamiteta načalnikaŭ štaboŭ paviedamiła, što paśla dasiahnieńnia pieravahi ŭ pavietry ŭdary buduć nanosicca hłybiej pa terytoryi Irana. Taksama zafiksavana značnaje skaračeńnie zapusku iranskich rakiet. Amierykanskija vajskoŭcy śćviardžajuć, što majuć dastatkovy zapas bojeprypasaŭ dla praciahu apieracyi.

Dla ŭzmacnieńnia hrupoŭki ZŠA pierakidajuć u rehijon dadatkovyja samaloty, u tym liku źniščalniki F-35, F-15E i F-22. Pavodle najaŭnych źviestak, u rehijonie ŭžo moža znachodzicca kala 250 amierykanskich bajavych samalotaŭ z ulikam avijanoscaŭ.

Vajskovaja apieracyja ZŠA i Izraila suprać Irana pačałasia 28 lutaha. Jaje zajaŭlenyja mety — niedapuščeńnie atrymańnia Iranam jadziernaj zbroi i niejtralizacyja źviazanych ź Iranam uzbrojenych hrupovak. U adkaz Iran nanosić rakietnyja i bieśpiłotnyja ŭdary pa izrailskaj terytoryi i amierykanskich bazach u krainach rehijonu.

Raniej prezident ZŠA Donald Tramp zajaŭlaŭ, što aktyŭnaja faza kampanii nie pavinna pieravyšać čatyry tydni.

Kamientary da artykuła