Tramp raskazaŭ, što dla jaho stała najbolšaj niespadziavankaj paśla ŭdaraŭ pa Iranie
Prezident ZŠA Donald Tramp u telefonnym intervju CNN adznačyŭ, što paśla ŭdaraŭ pa Iranie najbolšaj niečakanaściu dla jaho stali ataki Tehierana na šerah arabskich krain rehijona — Abjadnanyja Arabskija Emiraty, Bachrejn, Iardaniju, Katar i Kuviejt.
U intervju CNN jon zajaviŭ, što ZŠA nibyta kantralavali situacyju i paviedamlali krainam rehijona pra heta, adnak ciapier jany patrabujuć bolš aktyŭnaha ŭdziełu i ŭstupajuć u kanflikt bolš ahresiŭna, čym čakałasia. Tramp taksama nazvaŭ kiraŭnikoŭ arabskich dziaržaŭ «vielmi žorstkimi ludźmi».
Asobna jon padkreśliŭ, što iranskaja jadziernaja prahrama ŭžo praciahły čas źjaŭlajecca surjoznaj pahrozaj dla rehijona i adnoj z hałoŭnych pieraškod dla miru.
Ciapier ža, pa słovach Donalda Trampa, vajskoŭcy ZŠA «raźbivajuć Iran», padkreśliŭšy, što situacyja raźvivajecca paśpiachova i što amierykanskaja armija źjaŭlajecca najmacniejšaj u śviecie.
Na pytańnie pra praciahłaść kanfliktu Tramp adznačyŭ, što nie chacieŭ by jaho zaciahvańnia. Pavodle jaho słoŭ, jon mierkavaŭ, što bajavyja dziejańni mohuć praciahvacca kala čatyroch tydniaŭ, i ciapier, jak jon ličyć, praces idzie navat chutčej zapłanavanaha.
Taksama jon adkazaŭ śćviardžalna na pytańnie, ci robiać ZŠA bolš, čym prosta vajennuju apieracyju, kab dapamahčy iranskamu narodu viarnuć kantrol nad krainaj.
«My sapraŭdy heta robim. Ale zaraz my chočam, kab usie zastavalisia doma. Na vulicy niebiaśpiečna… My jašče navat nie pačali mocna ich bić. Vialikaja chvala jašče navat nie nadyšła. Vialikaja chvala nadydzie nieŭzabavie».
Raniej, 28 lutaha, Tramp zajaviŭ pra pačatak maštabnaj apieracyi ZŠA suprać Irana. Udary nanosiŭ taksama Izrail. U adkaz Iran atakavaŭ terytoryi krain Piersidskaha zaliva, dzie raźmieščanyja amierykanskija abjekty.
Jak ZŠA i Izrail vyznačyli miescaznachodžańnie ajatały Chamieniei
ZŠA raspačali źniščeńnie iranskaha fłotu
Tramp abviaściŭ, što pahadziŭsia na pačatak pieramovaŭ ź Iranam
Ułady Irana zajavili, što nie buduć vieści pieramovy z ZŠA
«Im lepš hetaha nie rabić». Tramp papiaredziŭ Iran na fonie pahroz adkazać «najmacniejšym udaram»
Stała viadoma, jak Trampa rychtavali da pryniaćcia rašeńnia atakavać Iran
Stała viadoma, jak Tramp kiruje vajskovaj apieracyjaj suprać Irana
Kamientary
President Trump said the strikes "completely and totally obliterated" Iran's key nuclear enrichment facilities
čtoby ty nie napriahałsia pojaśniu. Dla Irana Izrail NIE suŝiestvujet kak hosudarstvo. I poetomu VSIE ludi živuŝije na dannoj tierritorii (Izraila) dołžny byť uničtožieny. Eto OSNOVA ich idiłohii. Ničieho nie napominajet? Idieołohija Raśsii - uničtožienija hosudarstva Ukraina i jeje žitielej. Tožie ničieho nie napominajet?
Niama ŭ Irana jadziernaj prahramy. Źniščyŭ Tramp za 24 hadziny ŭ červieni. Uščent. Habrei mohuć spać spakojna, nie moh ža tavaryš Trapm s3.14ździeć... oj