Biełaruski hałkipier u NCHŁ prapuściŭ šajbu paśla pieršaha kidka, jak vyjšaŭ na zamienu
U matčy rehularnaha čempijanatu Nacyjanalnaj chakiejnaj lihi «Vankuvier Kenaks» na svajoj arenie sastupiŭ «Karalinie Charykiejnz» ź likam 4:6.
Fota: x.com/Canucks
Sustreču ŭ varotach «Vankuviera» pačynaŭ fin Kievin Łankinien, jaki adbiŭ 18 z 22 šajbaŭ, h.zn. prapuściŭ čatyry, i na 32‑j chvilinie byŭ zamienieny na biełarusa Mikitu Tałapiłu.
Mikita prapuściŭ šajbu adrazu paśla pieršaha ŭdaru supiernika, źviartaje ŭvahu «Biełaruski chakiej».
Pa vynikach matča Mikita adbiŭ 9 z 10 ŭdaraŭ supiernika, prapuściŭ 1 šajbu (u kancy matča «Vankuvier» zamianiŭ hałkipiera na šostaha palavoha hulca i prapuściŭ jašče adnu šajbu), a taksama zaviaršyŭ sustreču z kaeficyjentam nadziejnaści 1,00 i pakazčykam adbitych udaraŭ 90,0%.
U hetym siezonie NCHŁ Tałapiła pravioŭ 12 matčaŭ, zavajavaŭšy try pieramohi. Jaho kaeficyjent nadziejnaści składaje 3,03, a pracent adbitych udaraŭ — 90,1%.
«Vankuvier» z 43 bałami paśla 61 praviedzienaha matča zajmaje apošniaje, 16‑ie miesca ŭ Zachodniaj kanfierencyi i zamykae ahulnuju tablicu NCHŁ. «Kenaks» atrymali siomuju parazu zapar.