Stała viadoma, jak budzie vyhladać mohilnik dla radyjeaktyŭnych adkidaŭ u Biełarusi
Biełaruskaja arhanizacyja pa abychodžańni z radyjeaktyŭnymi adkidami (BiełRAA) apublikavała videa z kancepcyjaj i architekturnymi rašeńniami budučaha punkta pachavańnia radyjeaktyŭnych adkidaŭ, choć kančatkovaja placoŭka dla jaho budaŭnictva pakul nie vybranaja.
Skrynšot ź videa
Razhladajucca niekalki mahčymych miescaŭ dla raźmiaščeńnia mohilnika adkidaŭ Biełaruskaj AES: vioska Navasiołki kala Chojnikaŭ, Mścisłaŭski rajon Mahiloŭskaj vobłaści abo Astraviecki rajon Hrodzienskaj vobłaści. Ciapier praciahvajecca praces vybaru kankretnaj terytoryi.
Skrynšot ź videa
Padčas pracoŭnaj narady z udziełam hałoŭnych prajektavalnikaŭ RUP «Biełnipienierhapram» abmiarkoŭvalisia architekturna-płanirovačnyja rašeńni i ahulnaja kancepcyja budučaha abjekta. U BiełRAA adznačyli, što asnoŭnaja meta — stvaryć schovišča, jakoje całkam izaluje radyjeaktyŭnyja adchody ad navakolnaha asiarodździa i budzie adpaviadać samym strohim mižnarodnym standartam biaśpieki. Razam z tym pakul nie paviedamlajucca klučavyja paramietry budučaha kompleksu.
Skrynšot ź videa
Raniej paviedamlałasia tolki, što płošča terytoryi schovišča składzie kala adnaho kvadratnaha kiłamietra. Na realizacyju prajekta płanujuć vydatkavać kala 941 miljona rubloŭ, a ŭvieści abjekt u ekspłuatacyju płanujecca ŭ 2030 hodzie.
Čytajcie taksama:
Jadzierny mohilnik dla adkidaŭ ź BiełAES mohuć pabudavać u Homielskaj vobłaści
Schovišča dla radyjeaktyŭnych adkidaŭ pabudujuć da 2030 hoda
Nazvanyja try placoŭki pa mahčymym zachoŭvańni radyjeaktyŭnych adkidaŭ
Jak Ihnalinskaja AES biezvynikova sprabavała pradać niavykarystanaje jadziernaje paliva