Jadzierny mohilnik dla adkidaŭ ź BiełAES mohuć pabudavać u Homielskaj vobłaści
U Biełarusi praciahvajecca vybar miesca dla budaŭnictva punkta zachoŭvańnia adkidaŭ Biełaruskaj AES. Raniej paviedamlałasia, što razhladajucca try varyjanty: terytoryja pablizu BiełAES u Astraŭcy, terytoryja Mahiloŭskaj vobłaści, a taksama Paleski dziaržaŭny radyjacyjna-ekałahičny zapaviednik.
Stała viadoma, jakuju łakacyju razhladajuć dla jadziernaha mohilnika ŭ Homielskaj vobłaści. Ale havorka idzie pra viosku Navasiołki ŭ Chojnickim rajonie, jakaja nie ŭvachodzić u Paleski dziaržaŭny radyjacyjna-ekałahičny zapaviednik, ale znachodzicca pablizu jaho miažy. Vioska raźmieščana ŭsiaho za 7 kiłamietraŭ ad Chojnikaŭ.
Infarmacyju pra dakładnaje miesca vierahodnaha budaŭnictva palihona dla časovaha zachavańnia i ŭtylizacyi radyjeaktyŭnych adchodaŭ «Fłahštok» znajšoŭ u haziecie Chojnickaha rajvykankama «Chojnickija naviny» — u spravazdačy ab hramadskim abmierkavańni z zahałoŭkam «Pytańnie stratehičnaj važnaści — pra biaśpiečnuju budučyniu».
Hramadzianam paviedamili, što pieršaja čarha budaŭnictva punkta zachavańnia i pierapracoŭki radyjeaktyŭnych adkidaŭ budzie realizavanaja ŭžo da 2030 hoda, «a značyć, pačatak hetych rabot — pytańnie adnaho-dvuch hadoŭ».
«U cełym skazać, što my dakładna vyznačylisia ź miežami, učastkami i placoŭkami, nielha. Heta vielmi skrupuloznaja praca, jana raźličana na doŭhi čas», — zajaviŭ Dźmitryj Łohvin.
Kiraŭnik pradpryjemstva paabiacaŭ uličyć mierkavańnie ludziej i «prapanavaŭ prysutnym surjozna padumać, pierš čym prymać takoje važnaje rašeńnie — ad siabie ž paabiacaŭ viarnucca, kab bolš padrabiazna i pradmietna pahavaryć».
Raniej aficyjna paviedamlałasia, što prybliznaja płošča, nieabchodnaja dla hetaj dziejnaści, składaje 1 kv. km.
Prapahandysty zapeŭnivajuć, što 196 palitviaźniaŭ užo na svabodzie9
Kamientary
łavieckija kazki, ŭ nas pabudavali daŭno, i usio fajna
- Finlandyja
ps a maskva za Chojniki adkaža ŭ Haazie
Vy b choć by užo nie tak adkryta pakazvali, što vam da sr..ki čužyja biedy.