U susiednich krainach padaražeŭ bienzin. Ci budzie padaražańnie ŭ Biełarusi?
U krainach ES vyraśli ceny na aŭtamabilnaje paliva paśla pačatku vajennych dziejańniaŭ na Blizkim Uschodzie. Ekanamisty prahnazujuć, što padaražańnie praciahniecca.
Av.by adznačaje, što paliva padaražeła ŭ Polščy, Litvie, Ukrainie, Hiermanii, Francyi, Italii. Ci budzie padaražańnie i ŭ Biełarusi?
Voś što adkazali žurnalistam vydańnia Av.by ŭ Biełnaftachimie:
«U Biełarusi ceny na matornaje paliva farmirujucca pad upłyvam kompleksu ekanamičnych faktaraŭ, klučavymi ź jakich źjaŭlajucca suśvietnyja kaciroŭki nafty i vahańni valutnych kursaŭ.
My adsočvajem źmieny kanjunktury na naftavym rynku, u tym liku cenaŭtvareńnie na paliva ŭ susiednich dziaržavach.
Uličvajučy pieryjad niavyznačanaści ŭ hetaj śfiery, lubyja rašeńni ab źmienie koštu paliva ŭ Biełarusi buduć prymacca pa vynikach kompleksnaha analizu raźvićcia situacyi, — havorycca ŭ paviedamleńni pres-sakratara Biełnaftachima Volhi Śpiechavaj.