Kazula ŭ traktary spravakavała pravierku prakuratury

Virusnaja vyjava kazuli, jakaja ŭ Babrujskim rajonie vyjšła ź lesu da ludziej, a paśla siadzieła ŭ traktary, pryciahnuła ŭvahu nie tolki internet-karystalnikaŭ, ale i prakuratury.

Prakuratura Mahiloŭskaj vobłaści praviała pravierku palaŭničych haspadarak z-za taho, što ŭsio čaściej stali sustrakacca źniasilenyja dzikija žyvioły.

Padčas pravierki vyśvietliłasia, što na mnohich terytoryjach nie chapaje karmušak dla žyvioł. U Asipovickim i Słaŭharadskim rajonach znajšli złamanyja karmuški, jakija prosta lažali na ziamli.

Akramia taho, u Asipovickim rajonie dzikich źviaroŭ navat padkormlivali ekzatyčnymi fruktami.

U vyniku abłasnoj struktury Biełaruskaha tavarystva palaŭničych i rybałovaŭ daručyli likvidavać usie znojdzienyja parušeńni.

U studzieni kala Babrujska da rabotnikaŭ laśnictva vyjšła hałodnaja kazula. Ludzi pakarmili jaje chlebam, abahreli ŭ kabinie traktara, paśla čaho adpuścili nazad u les. Fatahrafija žyvioły chutka stała virusnaj u internecie, i mienavita jana pryciahnuła ŭvahu prakuratury, što i stała padstavaj dla pravierki.

Kamientary da artykuła