Ad viesnavoj pavodki ŭžo paciarpieli 11 rajonaŭ

U pačatku sakavika ŭ niekatorych rehijonach Biełarusi nazirajucca padtapleńni, vyklikanyja chutkim rastavańniem śniehu i pavyšeńniem uzroŭniu vady ŭ rekach. Pavodle apieratyŭnych źviestak na 6 sakavika, vypadki padtapleńnia tałymi vodami zafiksavanyja ŭ 11 rajonach čatyroch abłaściej, paviedamlaje pres-słužba Ministerstva nadzvyčajnych situacyj.

Skrynšot ź videa

Z pačatku hoda ŭ zonie pavodki apynulisia 16 pryvatnych žyłych damoŭ, 39 padvorkaŭ i 8 haspadarčych pabudoŭ, a taksama 8 padvałaŭ žyłych damoŭ i 2 inšyja budynki.

U Hrodzienskaj vobłaści ŭ siami rajonach padtoplenyja 8 žyłych damoŭ, 27 padvorkaŭ i 6 padvałaŭ. U Minskaj vobłaści vada zakranuła 7 damoŭ i 7 padvorkaŭ. U Bresckaj vobłaści zafiksavanyja padtapleńni 4 padvorkaŭ i 2 padvałaŭ. U Homielskaj vobłaści paciarpieli 1 žyły dom i 1 padvorak.

Pavodle Biełhidramieta, na bolšaści rek krainy praciahvajucca viasnovyja hidrałahičnyja pracesy. U basiejnach Dźviny, Dniapra, Biareziny, Soža i Prypiaci, a taksama na asobnych učastkach Niomana i Vilii jašče zachoŭvajucca lod abo lod z pramyvinami. Jaho taŭščynia składaje ad 12 da 43 santymietraŭ. Uzrovień vady praciahvaje pastupova pavyšacca, miescami da 28 santymietraŭ za sutki.

Kamientary da artykuła