Biełaruskija ŭdzielniki prajšli na adkryćci Paralimpijady pad čyrvona-zialonym ściaham FOTAFAKT

U antyčnym amfiteatry italjanskaha horada Vierona adbyłasia ŭračystaja cyrymonija adkryćcia XIV zimovych Paralimpijskich hulniaŭ. U adroźnieńnie ad zvyčajnych Alimpijskich hulniaŭ, jakija prajšli raniej, u joj dazvolili ŭdzielničać biełaruskim i rasijskim spartsmienam pad dziaržaŭnymi ściahami.

Fota: Luke Hales/Getty Images for IPC

U znak pratestu suprać paŭnavartasnaha dopusku da spabornictvaŭ delehacyj krain-ahresaraŭ niekatoryja dziaržavy admovilisia ŭdzielničać u cyrymonii adkryćcia i zakryćcia Paralimpijady. Akramia Ukrainy, heta Čechija, Estonija, Finlandyja, Łatvija, Litva, Polšča i jašče niekalki krain. Usiaho ŭdzieł u Paralimpijadzie voźmuć bolš za 600 spartsmienaŭ z 55 krain.

Fota: David Ramos/Getty Images

Spabornictvy buduć prachodzić z 7 pa 15 sakavika. Biełaruś na Paralimpijadzie ŭ Italii pradstaŭlajuć čatyry łyžniki: Lidzija Łoban, Valancina Biryła, Darja Fiadźkovič i Raman Śvirydzienka. Honki ź ich udziełam zapłanavanyja na 10, 11, 14 i 15 sakavika.

Apošni raz čyrvona-zialony ściah na adkryćci Paralimpijady prysutničaŭ u 2021 hodzie ŭ Tokia. Na zimovyja hulni ŭ Piekinie ŭ 2022 hodzie biełaruskich udzielnikaŭ nie dapuścili, a na Paralimpijadzie ŭ Paryžy ŭ 2024 hodzie jany vystupali pad niejtralnym ściaham.

Kamientary da artykuła