Prezident Irana vybačyŭsia pierad susiednimi krainami za ataki pa ich terytoryi
Masud Piezieškijan zajaviŭ, što časovaja rada, jakaja kiruje krainaj, uchvaliła prypynieńnie atak suprać susiednich krain, akramia vypadkaŭ, kali Iran zaznaje ataki ź ich terytoryi.
Fota: Iranian Presidency / Anadolu via Getty Images
«Ja dumaju, što my pavinny vyrašyć hetaje pytańnie dypłamatyčnym šlacham», — cytuje Piezieškijana Associated Press.
Jon taksama zajaviŭ, što patrabavańnie ZŠA «biezahavoračnaj kapitulacyi» Irana — heta «mara, jakuju im daviadziecca zabrać z saboj u mahiłu».
Zajava prezidenta Irana prahučała paśla šmatrazovych atak pa terytoryi Bachrejna, Saudaŭskaj Aravii i AAE, jakija adbylisia ŭ subotu ranicaj. U Dubai ź mierkavańniaŭ biaśpieki prypynili pracu mižnarodnaha aeraporta.