«Nam nie patrebny ludzi, jakija ŭstupajuć u vajnu, kali my ŭžo pieramahli». Tramp rezka adkazaŭ Starmieru
Prezident ZŠA sarkastyčna nazvaŭ Vialikabrytaniju «byłym Vialikim Sajuźnikam».
Donald Tramp i Kir Starmier. Fota: Leon Neal / Pool Photo via AP
Prezident ZŠA Donald Tramp zajaviŭ u svajoj sacsietcy, što Brytanija razvažaje nad tym, kab nakiravać na Blizki Uschod dva svaje avijanoscy, i što Złučanym Štatam hetaja dapamoha ŭžo nie patrebna.
«Złučanaje Karaleŭstva, naš były Vialiki Sajuźnik, mahčyma, Najvialikšy z usich, narešcie surjozna abdumvaje adpraŭku dvuch avijanoscaŭ na Blizki Uschod, — napisaŭ Tramp u svajoj sietcy TruthSocial. — Dy ŭsio ŭ paradku, premjer-ministr Starmier, nam jany bolš nie patrebnyja. Ale my zapomnim».
«Nam nie patrebnyja ludzi, jakija ŭstupajuć u vajnu, kali my ŭžo pieramahli», — dadaŭ Tramp.
Brytanski ŭrad na čale z Kiram Starmieram raniej pryniaŭ pryncypovaje rašeńnie nie ŭdzielničać niepasredna ŭ vajennaj kampanii ZŠA i Izraila suprać Irana. Pry hetym Łondan dazvoliŭ amierykancam vykarystoŭvać svaje avijabazy. Što tyčycca avijanoscaŭ, to adzin ź ich znachodzicca ŭ stanie pavyšanaj hatoŭnaści na vypadak ekstrannaj nieabchodnaści.