USU źniščyli «Pancyr» i katar rasijan
Siły abarony Ukrainy ŭ noč na 8 sakavika nanieśli sieryju ŭdaraŭ pa vajennych abjektach praciŭnika, paraziŭšy, u pryvatnaści, zienitny rakietna-harmatny kompleks «Pancyr-S1» u akupavanym Krymie, paviedamlaje Hienštab USU.
Pavodle Hienštaba, tam ža atakavany desantny katar BK-16. Maštaby škody ŭdakładniajucca.
Hienštab taksama dadaje, što Siły abarony nanieśli sieryju ŭdaraŭ pa punktach kiravańnia praciŭnika — atakavany punkty kiravańnia BpŁA «Aryjon» u Krymie, rasijskaj Biełharodskaj vobłaści i na akupavanych terytoryjach Zaparožža i Danieččyny.
Siarod inšaha, dadajuć vajskoŭcy, atakavanyja kamandna-naziralnyja punkty padraździaleńniaŭ rasijskich vojsk na Zaparožžy i Danieččynie.