Uitkaf nastojliva paprasiŭ Rasiju nie dapamahać Iranu raźvieddanymi

Śpiecyjalny pasłańnik prezidenta ZŠA Donalda Trampa Styvien Uitkaf źviarnuŭsia da Rasii z prośbaj nie pieradavać Iranu raźviedvalnyja źviestki, jakija mohuć vykarystoŭvacca dla ŭdaraŭ pa amierykanskich vajskoŭcach. Pra heta jon paviedamiŭ žurnalistam na borcie prezidenckaha samalota ŭ noč na 8 sakavika. Uitkaf padkreśliŭ, što vykazaŭ hetuju prośbu vielmi nastojliva, adnak padrabiaznaściaŭ razmovy raskryvać nie staŭ, paviedamlaje The Moscow Times.

Styŭ Uitkaf. Fota: Ludovic Marin / Pool photo via AP

Sam Donald Tramp, kamientujučy mahčymuju dapamohu Rasii Iranu, skazaŭ, što nie viedaje, ci jość u ZŠA dokazy takoha supracoŭnictva. Pry hetym jon zajaviŭ, što navat kali infarmacyja i pieradajecca, jana nie prynosić Iranu istotnaj karyści. Tramp adznačyŭ, što paśla padziej apošniaha tydnia vajskovy patencyjał Irana značna asłableny. Jon taksama dadaŭ, što ŭzbrojenyja siły ZŠA źjaŭlajucca samymi mocnymi ŭ śviecie.

Raniej u amierykanskich ŚMI źjaviłasia infarmacyja sa spasyłkaj na krynicy, što Rasija nibyta pieradaje Iranu źviestki pra miescaznachodžańnie i pieramiaščeńnie amierykanskich vojskaŭ, karabloŭ i samalotaŭ. U Biełym domie zajavili, što navat kali takaja dapamoha i maje miesca, jana nie źjaŭlajecca vyrašalnaj i nie pavinna paŭpłyvać na pieramovy va ŭkrainskim pytańni. Padobnuju pazicyju vykazaŭ i kiraŭnik Pientahona Pit Chiehset, adznačyŭšy, što mierkavanaja padtrymka Irana z boku Rasii nie vyklikaje asablivaj zakłapočanaści ŭ Vašynhtonie.

Kamientary da artykuła