Tramp abvinavaciŭ Tehieran va ŭdary pa iranskaj škole dla dziaŭčynak
Donald Tram vinavacić Iran u «niedakładnaści» ich udaraŭ.
Prezident ZŠA Donald Tramp vykazaŭsia adnosna avijaŭdaru pa škole dla dziaŭčynak u iranskim horadzie Minab. Padčas razmovy z žurnalistami na borcie prezidenckaha samalota 8 sakavika jon adchiliŭ abvinavačvańni ŭ adras amierykanskich sił.
«Na moj pohlad, zychodziačy z taho, što ja bačyŭ, heta zrabiŭ Iran. My ličym, što heta zrabiŭ Iran, tamu što, jak vy viedajecie, jany vielmi niedakładnyja sa svaimi bojeprypasami. U ich naohuł niama dakładnaści», — skazaŭ jon.
Trampa padtrymaŭ i ministr abarony Pit Chiehset. Jon zajaviŭ, što Pientahon pravodzić rasśledavańnie, adnak padkreśliŭ: adzinym bokam, jaki naŭmysna ci praz pamyłki nanosić udary pa mirnych žycharach, źjaŭlajecca iranski režym.
Pavodle iranskaha boku, achviarami bambardziroŭki, jakaja adbyłasia 28 lutaha, stali jak minimum 150 čałaviek, bolšaść ź jakich — dzieci. Dakładnyja abstaviny hetaj padziei zastajucca tumannymi. Iranskija ŭłady błakujuć dostup niezaležnych žurnalistaŭ da škoły. Hety infarmacyjny vakuum dazvalaje abodvum bakam kanfliktu prasoŭvać svaje viersii. Navat dakładnaja kolkaść achviar iranskim bokam uvieś čas nazyvajecca roznaj.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary