Na Vałyni siem mašyn zładzili pahoniu za aŭtamabilem vajskoŭcaŭ i siłaj adbili pryzyŭnika
Adzin supracoŭnik TCK padčas napadu atrymaŭ traŭmu hałavy, jašče adzin paranieny škłom. Pryzyŭnik uciok.
U Vałynskaj vobłaści Ukrainy 8 sakavika pablizu vioski Voziera adbyłasia sapraŭdnaja pahonia z napadam na supracoŭnikaŭ terytaryjalnaha centra kamplektavańnia (TCK).
Jak paviedamlaje pres-słužba Vałynskaha TCK, hrupa viezła vajennaabaviazanaha žychara Zaparožža da miesca pryzyvu, kali ich słužbovy aŭtamabil pačała praśledavać kałona ź siami cyvilnych mašyn.
Napadniki dziejničali žorstka: jany błakavali ruch, padrezali śpiectranspart — toj vylecieŭ u kiuviet.
Paśla spynieńnia napadniki raźbili škło ŭ słužbovym aŭto, kab siłaj vyzvalić pryzyŭnika.
U vyniku sutyčki adzin z supracoŭnikaŭ TCK atrymaŭ traŭmu hałavy, jašče adzin paranieny askołkami škła. Adbity ŭ vajskoŭcaŭ mužčyna ŭciok razam z hrupaj padtrymki. Jaho miescaznachodžańnie ciapier nieviadomaje.