Biełaruskaja dyjaspara — samaja šmatlikaja siarod lehijanieraŭ u vyšejšaj futbolnaj lizie Kazachstana
Za kłuby z najvyšejšaha dyvizijona Kazachstana, čempijanat jakoha startavaŭ u hetyja vychodnyja, vystupajuć 14 biełarusaŭ.
Pavieł Siadźko
Dla paraŭnańnia: Rasija pradstaŭlena ŭ Kazachstanie 12 hulcami, Ukraina — 11, Brazilija — 9, piša Goal.kz.
Najbolšaja dyjaspara siarod biełarusaŭ u paŭładarskim «Irtyšy» — čatyry čałavieki (Uładzisłaŭ Klimovič, Pavieł Siadźko (pryčym Pavieł zabiŭ u pieršym matčy), Daniła Niačajeŭ i Rusłan Chadarkievič).
Hałoŭnym trenieram kłuba źjaŭlajecca biełarus Kirył Alšeŭski.
U «Atyrau» — troje biełaruskich futbalistaŭ (Jahor Chvalko, Rusłan Judziankoŭ i Jahor Chatkievič), u «Akžetpiesie» — dvoje.
Dla paraŭnańnia: u rasijskaj premjer-lizie hulajuć 7 biełarusaŭ, u vyšejšaj lizie Kyrhyzstana — 10.