Makron zajaviŭ pra namier Francyi razam ź inšymi krainami Zachadu razbłakavać Armuzski praliŭ
Prezident Francyi Emanuel Makron zajaviŭ, što krainy Zachadu pracujuć nad adnaŭleńniem svabody sudnachodstva ŭ Armuzskim pralivie na fonie vajny na Blizkim Uschodzie.
Emanuel Makron. Fota: Ludovic Marin / AP
Pavodle słoŭ francuzskaha prezidenta, faktyčnaje zakryćcio marskich šlachoŭ užo ŭpłyvaje na suśvietnuju ekanomiku. Kab harantavać biaśpieku marskich pieravozak, płanujecca zadziejničać marskuju misiju Jeŭrapiejskaha sajuza «Aśpides», i heta misija budzie «čysta abaronnaj».
Apieracyja «Aśpides» była zapuščanaja Jeŭrasajuzam u lutym 2024 hoda dla abarony kamiercyjnych sudnaŭ ad napadaŭ u Čyrvonym mory, pralivie Bab-el-Mandeb i Piersidskim zalivie. Jaje asnoŭnyja zadačy — supravadžeńnie sudnaŭ i harantavańnie biaśpieki sudnachodstva.
Razhortvańnie samoj Francyi ŭ Mižziemnym mory, Čyrvonym mory i Armuzskim pralivie budzie ŭklučać vosiem frehataŭ, adzin avijanosiec «Šarl de Hol» i dva desantnyja viertalotanoscy.
Čytajcie taksama:
Jak adreahavali ŭ śviecie na apieracyju ZŠA i Izraila suprać Irana
Makron zajaviŭ, što eskałacyja pavinna spynicca
Tankier z saudaŭskaj naftaj prajšoŭ praz Armuzski praliŭ, niahledziačy na błakadu z boku Irana
Tramp: Ceny na naftu ŭpaduć paśla źniščeńnia jadziernaj prahramy Irana
Ceny na naftu ŭpieršyniu z 2022 hoda padnialisia vyšej za 115 dalaraŭ za baral
Sudnachodstva ŭ Armuzskim pralivie amal spyniłasia, ale kitajcy sprabujuć damovicca