Tankier z saudaŭskaj naftaj prajšoŭ praz Armuzski praliŭ, niahledziačy na błakadu z boku Irana
Tankier časova adklučaŭ transponder i znoŭ pačaŭ pieradavać sihnał tolki kala ŭźbiarežža Indyi.
Praz Armuzski praliŭ upieršyniu za niekalki dzion prajšoŭ bujny naftavy tankier, niahledziačy na napružanuju abstanoŭku ŭ rehijonie.
Sudna Shenlong, jakoje znachodzicca pad kiravańniem hreckaj kampanii, pieravozić kala adnaho miljona baralaŭ saudaŭskaj nafty, paviedamlaje Bloomberg. Pavodle źviestak ahienctva, padčas prachodu praz praliŭ tankier časova adklučaŭ transponder i znoŭ pačaŭ pieradavać sihnał tolki kala ŭźbiarežža Indyi, piša Bild.
Prachod sudna razhladajecca jak pieršaja prykmieta taho, što asobnyja pieravozčyki znoŭ pačynajuć karystacca stratehična važnym maršrutam, praź jaki prachodzić značnaja častka suśvietnych pastavak nafty.
Pry hetym bolšaść sudnachodnych kampanij pa-raniejšamu paźbiahaje Armuzskaha praliva z-za ryzyki eskałacyi kanfliktu ŭ rehijonie.
Armuzski praliŭ ličycca adnoj z klučavych kropak suśvietnaj enierhietyki: praź jaho štodnia prachodzić značnaja dola marskich pastavak nafty z krain Piersidskaha zaliva. Lubyja pieraboi ŭ sudnachodstvie ŭ hetym rajonie zvyčajna adrazu adbivajucca na suśvietnych cenach na enierhanośbity.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary