Padletak z Barysava pajechaŭ da siastry ŭ Minsk, i heta šmat kaštavała jahonym baćkam
Pajezdka padletka z Barysava da siastry ŭ Minsk kaštavała jahonym baćkam 24 tysiačy biełaruskich rubloŭ, paviedamili ŭ Hienieralnaj prakuratury.
Zdymak ilustracyjny. Fota: «Naša Niva»
U listapadzie 2025 hoda 16‑hadovy padletak pryjechaŭ u Minsk u hości da siastry, ale ź joj tak i nie sustreŭsia. Zamiest hetaha jon piŭ ałkaholnyja napoi z dvuma małaznajomymi maładymi ludźmi.
Unačy paśla zastolla padletak zalez na zakrytuju parkoŭku na vulicy Makajonka i pačaŭ bić čužy aŭtamabil nahami, rukami, cehłaj i inšymi pradmietami. Ekśpierty naličyli nie mienš za 40 udaraŭ.
Akramia taho, jon złamaŭ tablički z numarami parkovačnych miescaŭ i darožny znak. Paśla hetaha padletak zalez u mašynu praz raźbituju šybu i zasnuŭ u sałonie. Tam jaho i znajšoŭ uładalnik aŭtamabila razam z achoŭnikam.
Ahulnaja suma škody skłała bolš za 24 tysiačy biełaruskich rubloŭ. Baćki padletka ŭžo kampiensavali hetyja straty.
Sud pryznaŭ chłopca vinavatym u chulihanstvie i paškodžańni aŭtamabila i majomaści arhanizacyi, što pryviało da značnaj materyjalnaj škody. Padletku pryznačyli pakarańnie ŭ vyhladzie paŭtara hoda abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaja chimija»).
Čytajcie taksama:
U Pinsku mužčyna prakałoŭ koły ŭ mašyny susieda, bo toj zaniaŭ rasčyščanaje im miesca na parkoŭcy
Vučnia šostaha kłasa pastavili na ŭlik za toje, što jeŭ siemki. Baćka pajšoŭ u sud
U Minsku taksist raspyliŭ haz u tvar udzielniku DTZ, jaki nie vyzvaliŭ jamu darohu